Sgusciulato
I'
So’ stato sgusciulato
sano sano:
chelloca tenevo
nun ’o ttengocchiù!
Era tutta fatica, sango e sudore
e nisciuno m’aveva dato maie niente
dint’ ’a vita.
Nun aggio vinciuto maie nu terno,
maie ‘na sisal, maie ‘na cosa,
da che so’ nato…
Mo’ ca m’hanno sgusciulato
so’ puveriello n’ata vota!
Comm’ a quanno so’ nato?
No!
I’ so’ ricco sempe:
so’ ricco dinto
e pe’ chesto
so’ felice ’o stesso.
Tenevo nu canillopiccerillo
e pure chillo se so’ pigliato!
D’o canillo me so’ dispiaciuto,
d’ ’o riestonun me ’mporta niente!
Mo’, quanno me soso ’a matina,
nun tengo cchiù
chi me saluta e me fa ’e ffeste…
Accussì,
so’ rimasto propio
sulo e sgusciulato ’e tutte cose,
ma nun fa niente,
pecché tengo sempe ’a cumpagnia
d’ ’a cuscienza
e d’ ’a mano ’e Ddio
Adolfo Giuliani